На главную Обратная связь
Республиканское государственно-общественное объединение
"Белорусское добровольное пожарное общество"
Главная» Новости

Абавязуюся быць мужным, сумленным і самаадданым 24.07.2020

Традыцыйна напярэдадні прафесійнага свята - Дня пажарнай службы, на адкрытай пляцоўцы Гомельскага абласнога музея ваеннай славы адбылося ўрачыстае мерапрыемства, прысвечанае прыняццю Прысягі работнікаў, прынятых на службу ў падраздзяленні Гомельскага гарадскога і раённага аддзелаў па НС.

На мерапрыемстве прысутнічалі намеснік начальніка Гомельскага абласнога ўпраўлення МНС Андрэй Грыгаровіч, намеснік начальніка Гомельскага гарадскога аддзела па НС Аляксандр Буракоў, намеснік старшыня Гомельскай абласной структуры РДГА "Беларускае добраахвотнае пажарнае таварыства" Сяргей Глушакоў, кіраўнік адміністрацыі Цэнтральнага раёна Вольга Дацэнка.

У гэтым годзе на вернасць Радзіме прынеслі прысягу 20 маладых работнікаў, якія далі клятву высока несці гонар і годнасць работніка органаў і падраздзяленняў па надзвычайных сітуацыях, мужна аберагаць наш горад ад вогненнай бяды. Таксама за бездакорную службу, дасягненне высокіх вынікаў і напярэдадні святкавання Дня пажарнай службы былі ўручаны ганаровыя граматы і нагрудныя знакі кіраўніцтвам абласнога ўпраўлення МНС і прадстаўніком адміністрацыі Цэнтральнага раёна.

Далей Бацька Венедыкт Свята-Нікольскага мужчынскага манастыра правёў цырымонію акраплення Святой вадой ўсіх прысутных, прачытаў малітву і блаславіў на добрыя справы.

Пасля чаго з сказанымі на дарогу словамі выступілі запрошаныя госці, якія пажадалі ўсім прысутным моцнага здароўя, поспехаў, міру ў хаце і перамогі ва ўсім!  Завяршыў мерапрыемства намеснік абласнога ўпраўлення Андрэй Грыгаровіч, павіншаваўшы ўсіх ратавальнікаў з надыходзячым святам - Днём Пажарнай службы!

 

Вернуться к списку новостей