Гомель. Прафілактыка па ўсіх напрамках!

Незабыўнае прафілактычнае мерапрыемства для дзяцей і дарослых на адкрытай пляцоўцы манежа «Дынама» падарылі работнікі Гомельскага гарадскога аддзела па НС сумесна з прадстаўнікамі Беларускага добраахвотнага пажарнага таварыства, ПУ «Гомельаблгаз», Таварыства выратавання на водах, філіяла дзяржаўнай установы «Дзяржаўны вобласці і супрацоўнікамі Дзяржаўтаінспекцыі.
Апроч навучальных пляцовак, удзельнікі мерапрыемства пазнаёміліся таксама з тэхнікай МНС, ДАІ і Гомельгаза. Прывітаўшы прысутных, прадстаўнік МНС расказаў аб мэтах і задачах мерапрыемства, пасля чаго ўсе размеркаваліся па інтэрактыўных пляцоўках, якія падрыхтавалі для іх суб’екты прафілактыкі.
І калі адны хлопцы адразу ж накіраваліся да пажарнай машыны, то іншыя з задавальненнем бралі ўдзел у бяспечных гульнях.
Усе без выключэння з захапленнем знаходзілі парушэнні на макеце кватэры і печы, складалі пазлы, самастойна спрабавалі ўстанавіць аўтаномны пажарны апавяшчальнік, патушыць умоўны пажар, апраналі баявое адзенне пажарных, адказвалі на пытанні віктарыны па правілах бяспекі на вадзе і правілах дарожнага руху. Таксама ўдзельнікі мерапрыемства пазнаёміліся з важнымі правіламі па электрабяспецы і з радасцю сфатаграфаваліся з роставай лялькай «Лямпачка» і на фотазоне ад прадстаўнікоў філіяла Дзяржэнергагазнагляду па Гомельскай вобласці «Мы за Энергабяспека».
У гэты дзень ніхто не застаўся без увагі, кожны атрымаў шмат карыснай інфармацыі ад прадстаўнікоў зацікаўленых структур і ведамстваў, а таксама салодкія прызы і наглядна-выяўленчую прадукцыю з правіламі бяспекі жыццядзейнасці.